2025 жылғы 23 қыркүйектегі«АЕО»АҚ № 555 бұйрығы

БҰЙРЫҚ

Мемлекеттік мүлік тізілімінің веб-порталында сауда-саттық өткізу бойынша электрондық қызметтер көрсетуд іңүлгілікшарты н

бекіту туралы

«Ақпараттық-есептеу орталығы» акционерлік қоғамының (бұдан әрі – Қоғам) Жарғысына, сондай-ақ 2014 жылғы 23 мамырдағы Қоғамның Директорлар кеңесінің № 66 шешімімен бекітілген мемлекеттік мүлік тізілімінің веб-порталында мүлікті сату бойынша электрондық сауда-саттықты өткізу Регламентіне және 2017 жылғы 27 желтоқсандағы Қоғамның Директорлар кеңесінің № 94 шешімімен бекітілген мемлекеттік мүлік тізілімінің веб-порталында мүлікті мүліктік жалдауға беру бойынша электрондық сауда-саттықты өткізу Регламентіне сәйкес, БҰЙЫРАМЫН :

1. Мемлекеттік мүлік тізілімінің веб-порталында сауда-саттық өткізу бойынша электрондық қызметтер көрсету туралы үлгілік шарттың (бұдан әрі - Шарт) қоса берілген нысаны бекітілсін.

2. «Сауда-саттық өткізу бойынша электрондық қызметтер көрсету туралы үлгілік шартты жаңа редакцияда бекіту туралы» 2020 жылғы 8 маусымдағы №286 және «Сауда-саттық өткізу бойынша электрондық қызметтер көрсету туралы үлгілік шартты жаңа редакцияда бекіту туралы» 2020 жылғы 8 маусымдағы «Ақпараттық-есептеу орталығы» АҚ-ның № 286 бұйрығына өзгерістер енгізу туралы» 2023 жылғы 3 наурыздағы № 131 Қоғамның бұйрықтарының күші жойылды деп танылсын.

3. Қоғамның Бағдарламалық өнімдерді енгізу мен сүйемелдеу бөлімі (О. С. Жиентаев) Шартты e-Qazyna.kz веб-порталда орналастыруды қамтамасыз етсін.

4. Осы бұйрық Қоғам Басқармасының хаттамалық шешімі болып табылады және қол қойылған күнінен бастап қолданысқа енгізіледі.

Басқарма Төрағасы Ж. Оспанов

Мемлекеттік мүлік тізілімінің веб-порталында сауда-саттық өткізу бойынша электрондық қызметтер көрсету туралы үлгілік шарт

Астана қ. 202_ жылғы «___» _______

Осы мемлекеттік мүлік тізілімінің веб-порталында сауда-саттық өткізу бойынша электрондық қызметтер көрсету туралы Үлгілік шарт (бұдан әрі-Шарт) Қазақстан Республикасы Азаматтық кодексінің 389-бабына сәйкес қосылу шарты болып табылады және 2011 жылғы 15 шілдедегі Қазақстан Республикасы Үкіметінің № 802 қаулысына сәйкес мемлекеттік мүлікті есепке алу саласындағы бірыңғай оператор (бұдан әрі – Оператор) болып айқындаған "Ақпараттық-есептеу орталығы" акционерлік қоғамы мен мемлекеттік мүлік тізілімінің e-Qazyna.kz веб-порталында (бұдан әрі - Портал) сауда-саттық өткізу бойынша қызметін жүзеге асырғысы келетін акционерлік қоғам/ жауапкершілігі шектеулі серіктестік/ жеке кәсіпкер/ жеке тұлға (бұдан әрі – Сатушы) арасындағы, бұдан әрі – Тараптар деп аталатындар арасындағы қарым-қатынасты реттейді

Осы Шарт жария офертасы болып табылады. Сатушы Порталдың "Sauda" электрондық сауда-саттық алаңының сервисіне (бұдан әрі – Сервис) қол жеткізе отырып, осы Шарттың барлық талаптарын қосқан және қабылдаған болып есептеледі.

1.Шарттың мәні

1.1. Осы Шартқа сәйкес Оператордың Директорлар кеңесінің бекітілген шешімдерімен және Порталда орналастырылған мемлекеттік мүлік тізілімінің веб-порталында мүлікті сату бойынша электрондық сауда-саттықты өткізу Регламентіне және мемлекеттік мүлік тізілімінің веб-порталында мүлікті мүліктік жалдауға (жалға алуға) беру бойынша электрондық сауда-саттықты өткізу Регламентіне (бұдан әрі жекеше – Регламент, бірлесе - Регламенттер) сәйкес мүлікті сату және мүліктік жалдауға (жалға алуға) беру бойынша электрондық сауда-саттықты ұйымдастыруға байланысты Оператор қызметтер көрсетеді.

1.2. Осы Шарт Тараптардың электрондық сауда саттықты ұйымдастыру және өткізу бойынша қарым-қатынасын реттейді және Сатушының осы Шарттың қолданылу мерзімі ішінде лоттардың шектеусіз санына қатысты сауда саттықтың шектеусіз санын өткізу мүмкіндігін көздейді.

2. Оператордың құқықтары мен міндеттері

2.1. Оператор міндетті:

2.1.1. Сервистің үздіксіз жұмыс істеуін қамтамасыз ету;

2.1.2. Сатушының коммерциялық құпиясын білдіретін мәліметтерді жария етпеу, егер олар Сервисті ұсыну кезінде оған белгілі болса, Қазақстан Республикасының заңнамалық актілерінде көзделген жағдайларды қоспағанда, дербес деректердің құпиялылығын қамтамасыз ету, сондай-ақ оларды ақпараттық жүйеде өңдеу кезінде дербес деректердің қауіпсіздігін қамтамасыз ету;

2.1.3. Сатушының осы Шарттың талаптарына және Қазақстан Республикасының заңнамасына сәйкес осы Шарттың қолданылу мерзімінде Сервиске қол жеткізуін қамтамасыз ету;

2.1.4. Сатушы Сервисте тіркеген сату және мүліктік жалдау (жалға алу) және сауда-саттық объектілері бойынша бұйрықтарды орындау не Регламенттерде белгіленген тәртіппен және мерзімдерде осындай бұйрықтарды орындаудан алу;

2.1.5. сауда-саттыққа қатысушыларға кепілдік жарналарды қабылдауды және қайтаруды және Регламентте белгіленген мерзімде сауда-саттықта жеңіске жеткен қатысушының кепілдік жарнасын сатушыға аударуды не сауда-саттыққа қатысушының электрондық әмиянында кепілдік жарна сомасының бұғатын ашуды;

2.1.6. облыс орталықтарында және республикалық маңызы бар қалаларда орналасқан Оператордың аумақтық бөлімшелері және сервисте көрсетілген байланыс арналары (telegram-чат) арқылы Сервис жұмысының технологиялық ерекшеліктеріне қатысты Сатушыға консультациялық көмек көрсету.

2.2. Оператор құқылы:

2.2.1. салық заңнамасын және қылмыстық құқық бұзушылық белгілері бар этил спирті мен алкоголь өнімінің өндірісі мен айналымы саласындағы заңнаманы бұзу фактілері анықталған жағдайда, Сатушы және оның Сервистегі операциялары туралы материалдарды және (немесе) ақпаратты уәкілетті органдарға беру;

2.2.2. осы Шарттың 6-бөлімінде белгіленген мерзімдерде Оператордың қызметтерін төлемеген кезде, сондай-ақ осы Шарттың 3.1-тармағында белгіленген міндеттемелер бұзылған жағдайда Сатушының сервиске қолжетімділігін өшіру;

2.2.3. осы Шарттың 6.1-тармағына сәйкес Сатушының Оператор алдындағы бар берешегін және қосылғаны үшін шотты төлегеннен кейін Сервиске қолжетімділігін жаңарту;

2.2.4. Бұл туралы Сатушыны жалпыға қолжетімді тәсілмен (соның ішінде: ақпаратты Оператордың порталында, веб-сайтында және/немесе Оператордың кеңселерінде орналастыру жолымен) хабардар ете отырып, Регламенттерге, Баға тізбесіне және осы Шартқа өзгерістер (толықтырулар) енгізу. Егер Сатушы жоғарыда көрсетілген құжаттарға өзгерістер (толықтырулар) енгізу туралы хабардар еткен сәттен бастап күнтізбелік 30 күн өткен соң Оператор мұндай өзгерістерді (толықтыруларды) қабылдаудан жазбаша бас тартпаған жағдайда, Регламенттерге, Баға тізбесіне және осы Шартқа өзгерістер (толықтырулар) Сатушы қабылдаған болып есептеледі;

2.2.5. көрсетілетін қызметтердің тізбесі мен шарттарын өздігінен айқындау және олар үшін тиісті ақы алу.

3.Сатушының құқықтары мен міндеттері

3.1. Сатушы міндетті:

3.1.1. электрондық цифрлық қолтаңбаны пайдалана отырып, Сервисте тіркелу (бұдан әрі – ЭЦҚ);

3.1.2. контрагент туралы Қазақстан Республикасының заңдарымен қорғалатын мәліметтерді жария етпеу, егер олар Сервиспен жұмыс істеу кезінде оған белгілі болса, осындай мәліметтерді қамтитын құжаттардың сақталуын қамтамасыз ету;

3.1.3. Оператордың осы Шарт бойынша өз міндеттемелерін орындауы үшін Операторға ақпаратқа қажетті қол жеткізуді қамтамасыз ету;

3.1.4. Оператормен келісім бойынша Сервисті пайдалана отырып операцияларды жүргізу қауіпсіздігін қамтамасыз ету, соның ішінде оны пайдалана отырып, заңсыз операцияларды жасау мүмкіндігін болдырмау үшін қажет болатын шамада жұмыстың ішкі қағидаларын түзету;

3.1.5. құрамында вирустар немесе басқа да зиянды бағдарламалық қамтамасыз ету бар материалдарды пайдаланбау, ақпарат тасымалдағыштарда қол жеткізу құпиясөздерін жазбау, алынған қол жеткізу сәйкестендіргіштерін үшінші тұлғаларға бермеу, өз ЭЦҚ пайдалану;

3.1.6. осы Шарттың 6-бөлімінде белгіленген тәртіппен және мерзімдерде Оператор қызметтерінің құнын қабылдау және төлеу;

3.1.7. электрондық сауда-саттықты өткізу кезінде тиісті Регламентті басшылыққа алу;

3.1.8. Порталдағы Жеке кабинетте (бұдан әрі – Жеке кабинет) (сатушы-жеке тұлғаларды және сатушы-жеке кәсіпкерлерді қоспағанда) өзінің сенім білдірілген тұлғалары мен конкурстық комиссия мүшелері туралы ақпарат енгізуге;

3.1.9. Жеке кабинетте ЭЦҚ пайдалана отырып келесі құжаттарға қол қою:

1) сауда-саттық нәтижелері туралы электрондық хаттама - конкурсқа қатысушылар арасында аукцион, тендер немесе аукцион өткізілетін күні;

2) өткізілмеген сауда-саттық туралы акт - сауда-саттықтың уақыты мен күнінен есептелетін 24 сағат ішінде (сауда-саттықты өткізу туралы хабарламаға сәйкес);

3) сауда-саттық нәтижелерінің күшін жою туралы акт (егер сауда саттық жеңімпазы Регламентте белгіленген мерзімде сауда саттық нәтижелері туралы электрондық хаттамаға қол қоймаса) – сауда-саттық аяқталғаннан кейін 24 сағат өткенге дейін;

4) есепті кезеңде көрсетілген қызметтер актісі (өткен күнтізбелік ай) – есепті айдан кейінгі айдың 10-күнінен кешіктірмей;

3.1.10. өзі құрған конкурстық комиссияның Регламентте белгіленген мерзімде конкурсқа қатысты электрондық хаттамаларға қол қоюын қамтамасыз ету;

3.1.11. ЭЦҚ мен Жеке кабинетке кіру құпиясөзін үшінші тұлғаларға бермеуге (сенім білдірілген адамдар мен конкурстық комиссияға қатысушыларды қоспағанда);

3.1.12. Сервисте, оның ішінде Жеке кабинетте тіркелу кезінде іс-әрекеттер жасау үшін Регламенттерде және Қазақстан Республикасының заңнамасында көзделген өзі және сату (мүліктік жалдау (жалға алу) объектісі бойынша сенімді құжаттар мен мәліметтерді ұсыну;

3.1.13. осы Шарттың 5.1-тармағында көрсетілген Жеке кабинеттің деректері нақты өзгерген күннен бастап бір жұмыс күні ішінде өзгерту;

3.1.14. Қазақстан Республикасының қолданыстағы заңнамасында көзделген өзге де міндеттерді атқару.

3.2. Сатушы құқылы:

3.2.1. Портал арқылы немесе мобильді қосымша арқылы қызметке қол жеткізу;

3.2.2. Порталдың электрондық әмияны (сатушының жеке шоты) арқылы қызметтерге ақы төлеу.

4. Сервис қызметтерін ұсыну тәртібі

4.1. Сервис келесі функционалды қамтиды:

4.1.1. Оператордың осы Шарттың 5-бөлімінде айқындалған тәртіпке сәйкес Сатушының жеке шотын / есептік жазбасын ашу және жүргізу арқылы Сатушыға Сервиске қол жеткізуін ұсыну;

4.1.2. Сервистің мемлекеттік органдар мен ұйымдардың ақпараттық жүйелерімен интеграциялық өзара іс-қимылы арқылы Сатушы және төлем құжаттары туралы деректерді автоматты түрде тексеру;

4.1.3. жұмыс уақытында кеңес беру желілерін ұсыну-нақты уақыт режимінде Сервиспен жұмыс істеу бойынша сұрақтарға жауап алу мүмкіндігі:

- Сервистің бағдарламалық жасақтамасының өзекті нұсқалары бойынша көрсетіледі;

- сағат 09:00-ден бастап 18:00-ге дейін (Астана қ. уақыты бойынша), түскі ас сағат 13:00-ден бастап 14:00-ге дейін Сервисте көрсетілген байланыс арналары (telegram-чат) арқылы беріледі.

4.2. Сервистің дамуына қарай оған кіретін қызметтер тізбесін Оператор өзгерте / кеңейте алады.

4.3. Егер бұл Қазақстан Республикасының заңнамасына қайшы келмесе, Сервисте және Порталда өзінің дербес деректерін жинауға, сақтауға және өңдеуге келісім Сатушы білдіреді.

"Салық және бюджетке төленетін басқа да міндетті төлемдер туралы" Қазақстан Республикасы Кодексінің және "Қазақстан Республикасындағы кедендік реттеу туралы"Қазақстан Республикасы Кодексінің нормаларына сәйкес салық құпиясын ашуға Сатушы Операторға келісім береді.

5.Сервискежәне Жеке кабинетке кіру

5.1. Электрондық сауда-саттықты ұйымдастыру және өткізу үшін Сатушыға Сервистің функционалына қол жеткізу Сатушының Жеке кабинеті арқылы, Сатушы осы Шарттың талаптарымен сатушының келісімін растайтын осы Шартқа Қосымшаға сәйкес нысан бойынша ЭЦҚ пайдалана отырып тіркелуге Өтінішке қол қойғаннан кейін және Сатушының осы Шарттың 5.2.3-тармағына сәйкес Сервиске қосқаны үшін біржолғы ақы төлегеннен кейін беріледі.

5.2. Сатушының Жеке кабинетін пайдалана отырып тіркелуге Өтінішке қол қоюы келесі тәртіппен жүргізіледі:

5.2.1. өзін (payda.e-Qazyna.kz веб-бетте):

- Сатушы (заңды тұлға): жеке кабинетті, соның ішінде мемлекеттік мүлік Тізілімінде және/немесе қаржылық есептілік Депозитарийінде тіркелген және заңды тұлғаға берілген ЭЦҚ пайдалана отырып;

- Сатушы (жеке тұлға немесе жеке кәсіпкер): Жеке кабинет пен жеке тұлғаға берілген ЭЦҚ пайдалана отырып ретінде тіркеледі;

5.2.2. Сатушы Жеке кабинетте келесі мәліметтерді енгізеді:

- жеке тұлғалар үшін: жеке сәйкестендіру нөмірі (ЖСН), тегі, аты және әкесінің аты (бар болса);

- заңды тұлғалар үшін: бизнес-сәйкестендіру нөмірі (БСН), толық атауы, бірінші басшының тегі, аты, әкесінің аты (бар болса) және ЖСН;

- сатып алушының сату бағасын төлеуі және Оператормен өзара есеп айырысуды жүзеге асыруы үшін екінші деңгейдегі банктегі банктік шоттың деректемелері;

- байланыс деректері (пошта мекенжайы, телефон, факс, е-mail);

5.2.3. Сатушы Сервистің «Мүлік сатушысы» бөлімінде төлемнің екі нұсқасының бірін таңдайды:

- «электрондық үкіметтің» төлем шлюзін (бұдан әрі - ЭҮТШ) пайдалана отырып, on – line төлем арқылы біржолғы төлемді төлейді, бұл мұндай төлемнің Оператордың есеп-айырысу шотына 1-2 минут ішінде түсуіне кепілдік береді. ЭҮТШ пайдалана отырып ақша аударғаннан кейін Портал автоматты түрде тіркелуге Өтініш жасайды, оған Сатушы ЭЦҚ пайдалана отырып қол қояды;

- осы шотқа сәйкес осы Шарттың 11-бөлімінде көрсетілген Оператордың есеп-айырысу шотына төленетін шотты алуға және төлемді кейіннен аударуға сұрау салуды жібереді. Төлем жүргізілгеннен кейін 3 (үш) жұмыс күні ішінде Сатушы "Тіркелуге өтінішке қол қою" батырмасын басады және төлемді Порталдың (Банктің төлем жүйесімен интеграцияланған) дерекқорынан іздейді. Сатушы Порталдың дерекқорында қажетті төлемге (төлем Оператордың шотына қаражат түскеннен кейін қолжетімді болады) көрсеткен кезде Портал автоматты түрде тіркелуге Өтініш жасайды, оған Сатушы ЭЦҚ пайдалана отырып қол қояды;

5.2.4. Сатушы ЭЦҚ пайдалана отырып тіркелуге Өтінішке қол қойған кезде осы Шарт жасалған болып есептеледі және автоматты түрде қолданысқа енгізіледі. Сатушының өтініші бойынша Шартты Сатушы Оператордың орналасқан жері бойынша қағаз жеткізгіште ала алады.

5.3. Тіркелуге өтінішке қол қойылғаннан кейін Сатушы (заңды тұлға) Жеке кабинетте тізімді көрсетеді:

- Сатушының (заңды тұлғаның) атынан және оның тапсырмасы бойынша Порталда және Жеке кабинетте жұмыс істеуге уәкілетті сенім білдірілген адамдар;

- Сатушы жариялаған конкурсқа қатысушылардың өтінімдерін қарауға және конкурсқа қатысты электрондық хаттамаларға қол қоюға уәкілетті конкурс комиссиясының мүшелері.

5.4. Сервисте және Жеке кабинетте жұмыс істеген кезде:

- Сатушының (заңды тұлғаның) сенім білдірілген адамдары заңды тұлғаға (Сатушыға) берілген ЭЦҚ-ны пайдалануға тиіс;

- Сатушының (заңды тұлғаның) конкурстық комиссиясының мүшелері жеке тұлғаға берілген ЭЦҚ-ны пайдалануға тиіс.

6. Есеп айырысу тәртібі

6.1. Сатушыны Сервиске қосқаны үшін біржолғы төлем осы Шарттың 5.2.3-тармағында көрсетілген тіркелуге Өтінішті Сатушы Жеке кабинетінде қалыптастырған кезде Оператор қойған төлем шотының (Портал жасаған) негізінде жүргізіледі.

Сатушыны Сервиске қосқаны үшін Оператордың ЭЦҚ-сын пайдалана отырып, электрондық нысанда қол қойылған көрсетілген қызметтер актісін (бұдан әрі-электрондық акт) Оператор Порталды пайдалану арқылы Сатушының Жеке кабинетінде тіркелуге Өтінішке қол қойған күнінен бастап күнтізбелік 5 (бес) күн ішінде қояды.

Сатушы электрондық актіге ЭЦҚ пайдалана отырып, Жеке кабинетте қойылған сәттен бастап 5 (бес) жұмыс күні ішінде қол қояды.

Сатушыны Сервиске қосқаны үшін шот-фактура Операторға электрондық нысанда жазып беріледі және esf.gov.kz веб-сайтта шот-фактураларды (бұдан әрі - электрондық шот-фактура) қабылдау және өңдеу бойынша Ақпараттық жүйе арқылы орналастырылады.

6.2. Аванстық төлем әдісіне жол беріледі, онда Сатушы Жеке кабинетте төлем шотын қалыптастырады, Сатушы оны қалыптастырған күннен бастап күнтізбелік 10 (он) күн ішінде төлейді.

Оператор есепті айдан кейінгі айдың 10-күнінен кешіктірмей Портал арқылы есепті кезеңде (өткен күнтізбелік ай) көрсетілген қызметтер тізбесін қамтитын электрондық акт қояды.

Сатушы ЭЦҚ пайдалана отырып, Жеке кабинетте есепті айдан кейінгі айдың 15-күнінен кешіктірмей электрондық актіге қол қояды. Сатушы электрондық актіге қойылған күннен бастап күнтізбелік 10 (он) күн ішінде қол қоймаған кезде электрондық актіге қол қойылған, ал қызметтер толық көлемде және тиісінше көрсетілген болып есептеледі.

Сатушының Жеке кабинетінде электрондық актіге қол қойған күнінен бастап күнтізбелік 15 (он бес) күн ішінде электрондық шот-фактура қойылады.

Сатушы нақты көрсетілген қызметтер үшін ай сайын есепті айдан кейінгі айдың 25-не дейінгі мерзімде төленеді.

Ай сайынғы электрондық актіні Оператор қалыптастырмайды және Оператор есепті кезеңде (өткен күнтізбелік ай) көрсеткен қызметтер болмаған кезде Сатушыға жіберілмейді.

Егер тексеру кезінде көрсетілген қызметтердің нәтижелері осы Шарттың талаптарына сәйкес келмейді деп танылса, Оператор тексеру сәтінен бастап 5 (бес) жұмыс күні ішінде Сатушы тарапынан қандай да бір қосымша шығындарсыз сәйкессіздіктерді жою жөнінде шаралар қабылдайды.

6.3. Сатушының Сервиске қол жеткізуін қамтамасыз еткені үшін жыл сайынғы төлем Сатушының Жеке кабинетінде қосылуға Өтінішке қол қойғаннан кейін Сервиске қол жеткізу ұзартылады не қайта басталады.

Қосылуға өтініш Жеке кабинетте қалыптастырылады:

- Сервиске қол жеткізуді ұзарту кезінде: Сатушы Сервисті пайдаланудың бірінші күнтізбелік жылы аяқталған күнге дейін не кейін;

- Сервиске қол жеткізуді қайта бастаған кезде: Сатушы Порталға қол жеткізуін өшіру күннен бастап.

Сатушы ЭЦҚ пайдалана отырып қосылуға Өтініш қалыптастырғаннан және оған қол қойғаннан кейін Сатушының жеке шотында ақша қаражаты болған жағдайда Оператор жыл сайынғы төлемді автоматты түрде есептен шығарады. Сатушының жеке шотында ақша қаражаты болмаған жағдайда, Сатушы төлемді Оператор төлем шотын қойған (Портал жасаған) күнінен бастап күнтізбелік 10 (он)күн ішінде төленеді.

Қосылуға өтініш бойынша электрондық актіні Оператор Порталды пайдалану арқылы Сатушы Жеке кабинетте қосылуға Өтінішке қол қойған күннен бастап 5 (бес) күнтізбелік күн ішінде қояды.

Электрондық шот-фактура қосылуға Өтініш бойынша электрондық актіге қол қойылған күннен бастап күнтізбелік 15 (он бес) күн ішінде жазып беріледі.

6.4. Сатушының төлемдерді төлеуі теңгемен қолма қол ақшасыз тәртіппен келесі аударым түрлерінің бірімен жүргізіледі:

- ЭҮТШ пайдалана отырып, Оператор on-line төлемді Жеке кабинет арқылы төлеген кезінде, бұл осындай төлемнің Оператордың есеп айырысу шотына 1-2 минут ішінде түсуіне кепілдік береді;

- осы Шарттың 11-бөлімінде көрсетілген Оператордың есеп айырысу шотына.

6.5. Электрондық актілер мен төлем шоттарын Жеке кабинетте басып шығаруға болады не Сатушы Оператордың орналасқан жері бойынша қағаз жеткізгіште алуы мүмкін.

7.Еңсерілмейтінкүш жағдайлары

7.1. Тараптардың ешқайсысы тараптардың еркі мен тілегінен тыс туындаған және болжауға немесе болдырмауға болмайтын форс-мажорлық жағдайларға байланысты осы Шарт бойынша міндеттемелерді кешіктіргені немесе орындамағаны үшін екінші Тараптың алдында жауап бермейді.

7.2. Осы Шарт бойынша өз міндеттемелерін орындамайтын Тарап өз міндеттемелерін орындауға кедергі және оның әсері туралы екінші тарапқа хабарлама жіберуге тиіс.

8.Шарттың қолданылу мерзімі және оны өзгерту тәртібі

8.1. Шарт тіркелуге Өтінішке қол қойылған сәттен бастап күшіне енеді және ағымдағы қаржы жылы ішінде қолданылады.

8.2. Оператор шартты Оператордың шешімі бойынша кез келген уақытта біржақты тәртіппен өзгерте алады. Үшінші тұлғалар үшін Сатушы қызметтерінің сапасын арттыру, Сатушыға қойылатын талаптарды арттыру және Сервис арқылы Сатушының қызметтерін пайдаланатын үшінші тұлғалардың мүддесі үшін өзге де мән-жайлар бойынша бастамалар біржақты тәртіппен өзгертуге негіз бола алады.

9.Даулымәселелерді шешу

9.1. Осы Шарт бойынша немесе оған байланысты Тараптар арасында туындайтын барлық даулар немесе келіспеушіліктер Тараптар арасындағы келіссөздер жолымен шешіледі.

9.2. Келіспеушіліктерді келіссөздер арқылы шешу мүмкін болмаған жағдайда олар заңнамада белгіленген тәртіппен Оператордың орналасқан жері бойынша сотта қаралуға тиіс.

10.Басқашарттар

10.1. Жұмыстар мен көрсетілетін қызметтерді сатып алуға арналған веб-порталдар арқылы, оның ішінде goszakup.gov.kz, zakup.sk.kz немесе mitwork.kz және осы Шарт пен олардың арасындағы қайшылықтардың болуы, осы Шарттың редакциясы басым күшке ие. Оператор жоғарыда көрсетілген веб-порталдар арқылы осы Шарт бойынша орындалған жұмыстардың актілерін (электрондық актілерді) қоймайды.

10.2. Сатушы кез келген уақытта осы Шартты біржақты тәртіппен (біржақты бас тарту) бұзуға құқылы. Осы Шартты бұзу туралы өтінішті Сатушы Операторға жазбаша нысанда беруге тиіс. Оператордың қызмет көрсетуді нақты тоқтатуы Сатушының жазбаша өтінішінде көрсетілген күннен бастап жүргізіледі. Бұл ретте осы Шартты бұзу Сатушыны бар берешекті төлеу міндетінен босатпайды.

10.3. Сатушы осы Шарттың немесе Регламенттің талаптарын бұзған жағдайда, сондай-ақ Қазақстан Республикасының қолданыстағы заңнамасында көзделген өзге де жағдайларда Оператор сатушының жеке кабинетінде көрсетілген электрондық мекенжайына Сервиске қол жеткізуді өшіру туралы, Сервиске қол жеткізуді, соның ішінде қатысушы ретінде сауда-саттыққа қатысуды өшіру туралы электрондық хабарлама жіберу арқылы осы Шарттың қолданылуын біржақты тәртіппен (біржақты бас тарту) тоқтата тұруға құқылы.

10.4. Осы Шарттың немесе Регламенттің талаптарымен реттелмеген барлық жағдайларда Тараптар Қазақстан Республикасының қолданыстағы заңнамасын басшылыққа алады.

10.5. Осы Шарт бірдей заңды күші бар мемлекеттік және орыс тілдерінде жасалды

10.6. Тараптардың бірі қайта ұйымдастырылған жағдайда осы Шарт бойынша барлық құқықтар мен міндеттер оның құқықтық мирасқорына (-ларына) толық көлемде ауысады.

11.Оператордың заңды мекенжайы мен деректемелері

«Ақпараттық-есептеу орталығы» АҚ

010000, Астана қ., Республика даңғылы, 29-үй, БСН: 050540004455,

"Қазақстан Халық банкі" АҚ-да, БСК: HSBKKZKX, Кбе:16

ЖСК: KZ226018871000394291

«Ақпараттық- есептеу орталығы » АҚ

010000, Астана қ., Республика даңғылы, 29-үй

Сатушы ретінде мемлекеттік мүлік тізілімінің веб-порталында сауда-саттықты өткізу үшін №ЖСН/БСН-___ тіркелуге өтініш

Осымен бұдан әрі «Сатушы» деп аталатын____________________________________________________,

(толық атауы мемлекеттік жән (немесе) орыс тілінде)

мемлекеттік мүлік тізілімінің веб-порталында сауда-саттық өткізу бойынша электрондық қызметтер көрсету туралы "Ақпараттық-есептеу орталығы" АҚ-мен үлгілік шартқа (бұдан әрі - Шарт) қосылады, сондай-ақ "Ақпараттық-есептеу орталығы" АҚ бекіткен және e-Qazyna.kz веб-порталда ашық қол жеткізуде жарияланған Шартта белгіленген талаптарды орындауға міндеттенеді.

Менің Жеке кабинетімде Шарттың 4 және 5-бөлімдерінде көзделген функцияларды орындау мүмкіндігін іске асыруды сұраймын.

Сатушының деректемелері:

1. Қысқаша атауы / тегі, аты, әкесінің аты: __________________________

(Жарғыға сәйкес)

2. Сәйкестендіру нөмірі (БСН/ЖСН): _______________________________

3. Заңды мекен жайы: ________________________________________________

(пошта индексі) (мемлекеттік тіркеу туралы анықтамаға / куәлікке сәйкес)

4. Нақты мекен-жайы: ________________________________________________

(пошта индексі) (егер ол заңды мекен-жайдан өзгеше болса)

5. Телефондар/Факс: ___________________________________________________

(елді мекен кодын қосқанда)

6. Электрондық пошта және басқа байланыс әдістері: ____________________________

7. Банктік деректемелер: ______________________________________________

(қызмет көрсететін банктің атауы және деректемелері)

Банктік сәйкестендіру коды (БСК): ____________________________

Бенефициар коды (КБЕ): _______________________

Жеке сәйкестендіру коды (ЖСК): _________________________

8. Сатушы / Сатушының бірінші басшысы: ____________________________

(тегі, аты, әкесінің аты бар болса, ЖСН)

Сатушы Шартпен танысқанын растайды, оның талаптарын орындауға міндеттенеді және кейіннен Шартқа енгізілген барлық өзгерістер мен толықтыруларды қабылдайды.

Сатушы қол қойған және жіберген 20__ жылғы «__» ____ сағат 00:00:

ЭЦҚ деректері (ЭЦҚ қол қойған күні мен уақыты).