Сенімгерлік басқарушы санитарлық, экологиялық және өрт қауіпсіздігін сақтауға міндетті;

Жазғы және қысқы маусымда тоған басындағы нысандарды және аумағын (қысқы мезгілде жаяу жүрушілер жолын қардан тазалау, шығару, жаз мезгілінде аумағын қоқыстан жинау, сыпыру, нысандарды бояу қалпында ұстау жұмыстарын жүргізу) күтіп ұстау, сменалық күзетшілер болу, тоған басында суға түсу ережесін сақтауды ұйымдастыру шомылу маусымында міндетті түрде құтқарушылардың болуын қамтамасыз ету;

Кемінде 5 жұмыс орнын ашу (аула сыпырушы, күзетші, құтқарушы және т.б.) және Қазақстан Республикасы Ішкі істер министрінің 2021 жылғы 19 қаңтардағы №34 бұйрығына сәйкес жұмысты ұйымдастыру, тоған алаңын құрылтайшымен келісе отырып бір келкі эскизбен жоспарланған бутиктер орнатуға келісім шарт жасауды қамтамасыз ету;

Қажет болған жағдайда коммуналдық қызметтер бойынша қызмет көрсету шарттарын жасасу;

Қарқаралы қаласындағы тоған және тоған жиегіндегі нысанға қызмет көрсету үшін иеліктен шығаруға әкеп соқтыратын кез келген заңды және нақты әрекеттерді жасамау;

Қызмет тұтынушыларының қауіпсіздігін қамтамасыз ету және олардың қауіпсіздігіне жауап беру;

Сенімгерлік басқарушының өз қаражаты есебінен тоған және тоған жиегіне ағымдағы жөндеу жүргізу;

Қыс мезгілінде корттар жасау су басқан мұз қабатын ұстау, жауған қарды үнемі тазалау, мұз бетін тегістеу және қауіпсіздік ережелерін сақтау, өз конькиімен келгендерге мұз айдынына тегін кіру тәртібін қатаң сақтау;

Құрылтайшыға балансұстаушы куәландырған сенімді мүлікті жөндеуге жұмсалған сомалар жыл сайын 1 желтоқсанға дейінгі мерзімде растала отырып, нысанды басқару туралы жазбаша нысанда жылдық есепті ұсынсын;

Шарт тоқтатылған (шарт мерзімі өткен, мерзімінен бұрын бұзылған) кезде оны қалыпты пайдалануға мүмкіндік беретін жағдайда қабылдау-беру актісі бойынша Объектіні Балансұстаушыға он жұмыс күні ішінде тапсыру;

Жаз мезгілінде шомылу қауіпсіздігін қамтамасыз ету, буёктар орнату, катамаран қызметтері мен сауда нүктелерін біркелкі эскизбен әзірлеп, пайдалануға енгізу, сондай-ақ шомылуға келген азаматтар үшін тегін кіруді қамтамасыз ету;

Сенімгерлік басқару мерзімі аяқталған соң, объектіні кем дегенде бастапқы жағдайында қалпына келтіру міндеттеледі. Сенімгер объектінің техникалық және санитарлық жағдайына жауапты болады;

Сенімгерлік басқару кезінде объектіде келушілердің өміріне немесе денсаулығына зиян келу жағдайында толық жауапкершілік сенімгерге жүктеледі. Ол қауіпсіздік шараларын қамтамасыз етуге және қажетті сақтандыру рәсімдерін жасауға міндетті;

Сенімгер объектіні пайдалану тәртібі бойынша ішкі регламент әзірлеп, қала әкімдігімен келісуге міндетті. Бұл регламент жұмыс уақыты, тазалық, кіру ережесі, баға саясаты, қоғамдық тәртіпті сақтау шараларын қамтуы тиіс;