Жалпы:
1. Жұмыс орындарының санының сақталуы немесе жаңа жұмыс орындарының құрылуы
2. Клубтың қызмет профилін сақтау, басқарудың тиімділігін және тұрақтылығын арттыру, қызмет бағытын өзгертпей
3. Кірістер мен шығыстар бойынша қаржылық есептіліктің жыл сайын тәуелсіз аудитін жүргізу
4. Сатып алушының салықтық берешегінің болмауы (сатып алушыға қойылатын талап)
5. Сатып алушы клубтың Қаржы-шаруашылық, спорттық және инвестициялық қызметі туралы жыл сайын «Атырау облысы дене шынықтыру, спорт және туризм басқармасы ММ-не және «Атырау облысы мемлекеттік сатып алу және коммуналдық меншік басқармасы» ММ-не кешенді есеп беруге міндеттенеді
6. Берешектердің жоқтығын және қаржылық тұрақтылықты қамтамасыз ету
7. Сатып алушы клубтың ресми жарыстарға қатысуы үшін операциялық қызметін қаржыландырады
8. Клубтың міндеттемелері немесе берешектері болған жағдайда инвестор оларды тек алдын ала тәуелсіз қаржылық және заңдық аудит нәтижелеріне сәйкес қабылдайды; аталған міндеттемелер клубты қабылдау-тапсыру актісінде көрсетіледі
9. Сатып алушы өз қаражатына футбол академиясын салұға міндеттенеді, болжамды құны кемінде 1 000 000 000 (бір миллиард) теңге. Футбол академиясына жаттығу кешені (ашық және жабық футбол алаңдары, душ және санитарлық бөлмелер, жаттықтырушылар бөлмесі, медициналық және қалпына келтіру бөлмелері), сондай-ақ 50 спортшыға арналған жатақхана немесе тұрғын үй құрылысын салу кіреді. Сатып алушы келісім-шарт жасалған күннен бастап үш (3) жыл ішінде клубтың футбол академиясына арналған арнайы спорт кешенін аяқтауға міндетті
10. Сатып алушы келісім-шарт жасалғаннан кейін 12 ай ішінде футбол академиясын салуға жобалық-сметалық құжаттаманы әзірлейді, оны Атырау облысы дене шынықтыру, спорт және туризм басқармасымен келіседі, мемлекеттік сараптамадан өткізеді және оң қорытынды алады
11. Сатып алушы клуб командасының Қазақстан Республикасының чемпионатына (ҚПЛ) қатысуын қамтамасыз етеді
12. ҚПЛ командасында кәсіби футболшылар саны кемінде 25 ойыншы болуы тиіс (тұлғасын куәландыратын құжатпен және келісім-шартпен расталады)
13. Клубтың екінші лига командасында кәсіби футболшылар саны кемінде 25 ойыншы болуы тиіс. Сондай-ақ, клубта кәсіби әйелдер командасы болуы керек, құрамында кемінде 25 ойыншы, бұл паспорт, жеке куәлік және келісім-шарт арқылы расталады. Клуб аталған командалардың Қазақстан Республикасының чемпионатына сәйкес санатта қатысуын қамтамасыз етеді
14. Сатып алушы клубтың футбол орталығындағы оқұшылардың жас санаттары бойынша РҚБ Қазақстан футбол федерациясының лицензиялық талаптарына сәйкес қамтамасыз етеді
15. Сатып алушы үш (3) жыл ішінде клубтың футбол орталығында жалпы оқушылар санын (бастапқы және оқу-жаттығу топтарын қоса) 1000 (мың) адамға дейін арттыруды қамтамасыз етеді, сондай-ақ қажетті инфрақұрылым болған жағдайда облыстың аудандарында футбол орталығы филиалдарын құру және жұмысын қамтамасыз етуге міндетті
16. Сатып алушы командалардың құрамында кәсіби футболшылардың болуын қамтамасыз етеді және талантты балалар мен жасөспірімдерді іріктеу жұмыстарын ұйымдастырады
17. Сатып алушы жүйелі түрде жергілікті және Қазақстан футболының тәрбиеленушілерін негізгі құрамға тартуды қамтамасыз етеді
18. Сатып алушы оқу-жаттығу жиындары мен дайындық іс-шараларын ұйымдастырады
19. Сатып алушы футболшыларға медициналық қызмет, сақтандыру, тамақтану және дәрумендермен қамтамасыз ету, сондай-ақ спорттық киім-кешек (жаттығу және салтанатты) және қажетті спорттық жабдықтарды қамтамасыз етеді
20. Сатып алушы стадион мен жаттығу нысандарын жақсы жағдайда ұстауды қамтамасыз етеді
21. Қажет болған жағдайда инфрақұрылымды жаңарту немесе реконструкциялау «Атырау облысы дене шынықтыру, спорт және туризм басқармасы» ММ келісімі бойынша жобалық құжаттамаға және техникалық нормативтерге сәйкес жүзеге асырылады
22. Сатып алушы жанкүйерлер мен фан-клуб инфрақұрылымын, соның ішінде қызмет көрсетуді, қауіпсіздікті және цифрландыруды дамытуға, сондай-ақ демеушілер мен инвесторларды тартуға, маркетингтік және имидждік жобаларды жүзеге асыруға және клубтың коммерциялық, әлеуметтік және спорттық тартымдылығын арттыруға бағытталған басқа да іс-шараларды ұйымдастыруға құқылы
23. Талаптардың орындалмауы жағдайында шешім Қазақстан Республикасының заңнамасына сәйкес қабылданады
24. Жоғарыда аталған талаптарға сәйкес бизнес-жоспар (қаржылық жоспар) тендерлік өтініммен бірге ұсынылуы тиіс
25. Сатып алушы жекешелендіруден кейін клубтың тарихи атауын, түстерін және эмблемасын сақтайды, клубтың атауы, түсі және эмблемасы өзгерген жағдайда (рембрендтеу, сублимация) уәкілетті органның келісімі бойынша
26. Сатып алушы жекешелендіру шарты жасалған күннен бастап бір (1) ай ішінде футбол клубы мен футбол академиясының қызметін жүзеге асыру жөніндегі бизнес-жоспарды әзірлеп, оны уәкілетті органның келісуіне ұсынуға міндеттенеді. Аталған бизнес-жоспарды бекіту жекешелендіру шарты жасалған күннен бастап алғашқы тоқсан ішінде жүзеге асырылады
27. Осы талаптар клубты жекешелендіру шартының ажырамас бөлігі болып табылады. Сатып алушы міндеттемелерді осы шарттарда және жекешелендіру шартында белгіленген көлемде қабылдайтынын растайды. Барлық даулар Қазақстан Республикасының заңнамасына сәйкес шешіледі
